ថ្ងៃពុធ ទី១៣ ខែមីនា ឆ្នាំ២០១៣ ម៉ោង ១២:១៥
ប្រភពព័ត៌មានបានឲ្យដឹងថា ម៉ូតូម៉ាកសូហ្គុន
ពណ៌ខ្មៅជិះតាមផ្លូវលេខ២០០៤ ពីលិចទៅកើត
ស្របគ្នាជាមួយរទេះអេតចាយដឹកសម្បកកំប៉ុងពេញរទេះដាក់កូនប្រុស
អាយុ៩ឆ្នាំម្នាក់អង្គុយពីលើ ផង
ខណៈមកដល់ចំណុចខាងលើដោយសារអ្នកបើកម៉ូតូស្រវឹងមើលអត់ឃើញរទេះអេត
ចាយខាងមុខបានបុករទេះវិលមួយជុំធ្វើឲ្យធ្លាក់កូនប្រុសពី
លើរទេះតែមិនមានរងរបួសទេ ឯឪពុកជាអ្នករុញរទេះរបួសរលាត់ដៃជើង
ចំណែកអ្នកបើកម៉ូតូដួលនៅកណ្តាលផ្លូវហើយស្ទុះងើបទៅដេកនៅចិញ្ចើម
ផ្លូវវិញខ្លាចរថយន្ត និងម៉ូតូផ្សេងទៀតមកបុកថែម ។
អ្នកបើកម៉ូតូឈ្មោះ ពិន ភា ភេទប្រុស
អាយុ៤៨ឆ្នាំ ស្នាក់នៅភូមិព្រៃសាលា សង្កាត់កាកាប ខណ្ឌពោធិ៍សែនជ័យ
។ ចំណែកអ្នករុញរទេះអេតចាយឈ្មោះ ហម ឆន អាយុ៣២ឆ្នាំ
ស្នាក់នៅសង្កាត់ទឹកថ្លា ខណ្ឌសែនសុខ ។
ក្រោយពេលកើតហេតុអ្នកបើកម៉ូតូបានសងសំណងទៅអ្នករុញរទេះ១៥.០០០រៀល
៕
0 comments:
Post a Comment