អាកាសចរណ៍ អាមេរិចទាំងពីរនឹងបង្កើត ក្រុមហ៊ុនធំជាងគេលើលោក

ប៉េកាំង៖ យោងតាមទីភ្នាក់ងារ ព័ត៌មានចិន ស៊ិនហួ បានចេញផ្សាយ នៅថ្ងៃសុក្រ ទី១៥ ខែកុម្ភៈ ឆ្នាំ២០១៣ នេះថា ក្រុមហ៊ុនអាកាស ចរណ៍អាមេរិក (American Airline) និង អាកាសចរណ៍ សហរដ្ឋ (US Airways) បានប្រកាសពីផែន ការ របស់ពួកគេ ក្នុងការរួមបញ្ជូលគ្នា។ បើយើង សម្លឹងមើល ចំពោះទឹកប្រាក់ក្នុងកិច្ចសន្យា ដែលក្រុមហ៊ុន ទាំងពីរ នេះរួមបញ្ចូលគ្នា មានរហូត ដល់ ១១ពាន់លាន ដុល្លារ ហើយចំនួននេះ មានទំហំធំជាងគេបង្អស់ នៅលើពិភព លោក ។
ចំពោះគម្រោងបង្កើតក្រុមហ៊ុនអាកាសចរណ៍យក្សនេះ នឹងមានឈ្មោះជាផ្លូវការណ៍រួមគ្នា ថា ក្រុមហ៊ុន អាកាស ចរណ៍អាមេរិក ។ ទីតាំងរបស់វានឹងស្ថិត នៅតំបន់ ហ្វត វ៉ស ក្នុងរដ្ឋតិចសាស់ និង ដឹកនាំគម្រោង ដោយលោក ឌួក ផាឃឺ នាយកប្រតិបត្តិក្រុមហ៊ុន អាកាសចរណ៍សហរដ្ឋ។
ដោយឡែក លោក ថូម៉ាស់ ហរតុន នាយកប្រតិបត្តិក្រុមហ៊ុន អាកាសចរណ៍អាមេរិក បាន ប្រកាសពីកិច្ចព្រមព្រៀង រវាងក្រុមហ៊ុនទាំងពីរនេះរួចហើយ នៅទីក្រុង ដល្លាស់ នៃរដ្ឋ តិចសាស់។ លោក ថូម៉ាស់ បានលើកឡើងថា “ដោយ យោងទៅលើការរួមបញ្ចូលគ្នានៃ ក្រុមហ៊ុនទាំងពីរនេះ យើងកំពុងតែបង្កើតនូវការដឹកជញ្ជូនលំដាប់លេខ ១នៅ លើសកល លោក។ ជាងនេះទៅទៀត ការរួមបញ្ជូល នឹង ពង្រីកនូវក្រុមហ៊ុនទំាងពីរ ឲ្យមានលទ្ធភាព ផ្តល់នូវតម្លៃ ដល់ម្ចាស់ទាំងឡាយរបស់យើង និង ផលប្រយោជន៍ល្អបំផុតដល់អតិថិជន និង ប្រជាជនរបស់ពួក យើងទាំងអស់ គ្នា។
គួរបញ្ជាក់ផងដែរថា ក្រុមហ៊ុនអាកាសចរណ៍ថ្មីនេះ បានរំពឹងនឹងទទួលបានប្រាក់ចំណូល ជា មធ្យម ៤០ពាន់លាន ដុល្លារអាមេរិកក្នុងមួយឆ្នាំៗ ដោយតម្រូវឲ្យមានការហោះហើរប្រចាំថ្ងៃ ចំនួន ៦.៧០០ ជើង ទៅកាន់គោលដៅចំនួន ៣៣៦កន្លែងនៃប្រទេសចំនួន ៥៦ ៕