ជំងឺផ្ដាសាយបក្សី សម្លាប់មនុស្ស កើនដល់​ ២៥នាក់ នៅអូក្លាហួម៉ា, អាមេរិក

ហួស្តុន៖ សេចក្តីរាយការណ៍ពីរដ្ឋអូក្លាហូម៉ា សហរដ្ឋអាមេរិក នៅថ្ងៃព្រហស្បតិ៍ ទី១៤ ខែកុម្ភៈ ឆ្នាំ២០១៣ បានឲ្យដឹងថា មនុស្ស ២នាក់បន្ថែមទៀត បានស្លាប់ដោយ ជំងឺផ្តាសាយថ្មី ដែលជា ហេតុនាំឲ្យចំនួនមនុស្សស្លាប់ នៅរដូវនេះបានកើនឡើងដល់ ២៥នាក់ហើយ ។ទីភ្នាក់ងារព័ត៌មាន​
ចិនស៊ិនហួ បានចេញផ្សាយនៅថ្ងៃសុក្រ ទី១៥ ខែកុម្ភៈ នេះទៀតថា របាយការណ៍អំពីជំងឺផ្តាយ ប្រចាំសប្តាហ៍បានចេញមកហើយ ដោយបង្ហាញឲ្យ ឃើញពីចំនួនអ្នកជំងឺ ដែលទទួលរង​ការវាយ​
ប្រហារ ដោយមេរោគផ្តាសាយថ្មីនោះ មានរហូតដល់ ៨៦២នាក់ ចាប់តាំងពី ខែកញ្ញា ឆ្នាំ ២០១២ មកម្ល៉េះ។ នេះបើតាម ការអះអាងពីនាយកដ្ឋានសុខភាពរដ្ឋ។ គួរបញ្ជាក់ផងដែរថា​ រដូវនៃ​
ជម្ងឺផ្តាយសាយ បានវាយប្រហារអាមេរិក ស្របពេលដែលអាកាស ធាតុកំពុងតែប្រែប្រួល និង ត្រជាក់ខ្លាំងបំផុតនោះ។ របាយការណ៍ចុង ក្រោយបានបង្ហាញថា រដ្ឋចំនួន ៤៨ នៃរដ្ឋទាំងអស់ចំនួន ៥០របស់អាមេរិក បានទទួលរងការវាយប្រហារដោយ ជំងឺផ្តាសាយ៕