រាជធានីភ្នំពេញ ៖ បុរសជាអ្នកបើកបររថយន្តម្នាក់បានលង់ស្នេហ៍
លួចស្រលាញ់ស្រ្តីជាអ្នកលក់ស្រាបៀរនៅតាមហាងលក់សាច់គោអាំងហើយ
ដោយសារតែក្តីស្រឡាញ់ងប់ងល់ពេកឃើញនាងស្និទ្ធស្នាលជាមួយប្រុស
ផ្សេងក៏កើតជារឿងប្រចណ្ឌខឹងវាយនាង៣ដៃត្រូវប៉ូលិសនាំខ្លួន
ទៅប៉ុស្តិ៍ ។
ហេតុការណ៍នេះបានកើតឡើងកាលពីវេលាម៉ោង១០និង១៥នាទីយប់ថ្ងៃទី២៥
កុម្ភៈ នៅក្នុងហាងយីហោ «រសជាតិថ្មី១៦៨» ផ្ទះលេខ២
ផ្លូវលេខ៣១៣ សង្កាត់បឹងកក់ទី២ ខណ្ឌទួលគោក ។
បុរសដែលប្រើអំពើហិង្សានោះឈ្មោះយ៉ុន ចិន្តា
អាយុ៤០ឆ្នាំជាអ្នកបើបកររថយន្តមានលំនៅផ្ទះលេខ២៧
ផ្លូវលេខ១៩៤ សង្កាត់ផ្សារដេប៉ូទី១ ខណ្ឌទួលគោក ។
ចំណែកស្ត្រីដែលត្រូវគេវាយឈ្មោះង៉ែត ស៊ីផុន អាយុ២៨ឆ្នាំ
ជាអ្នកលក់ស្រាបៀរអង្គរមានលំនៅសង្កាត់ផ្សារដើមថ្កូវ
ខណ្ឌចំការមន ។
Monday, February 25, 2013
ទះកំផ្លៀងនាងលក់ស្រាបៀរទារ50$មិនព្រមទារប្ដឹង500$
តាមព័ត៌មានឱ្យដឹងថា
នៅមុនពេលកើតហេតុបុរសជាអ្នកបើកបររួមទាំងមិត្តភក្តិម្នាក់ទៀត
បានជិះម៉ូតូម៉ាកវីវ៉ា ពណ៌ក្រហមស្លាកលេខរដ្ឋ០៥.១.០១៤២
មួយគ្រឿងបានធ្វើដំណើរទៅផឹកនៅហាងលក់សាច់គោអាំងយីហោ
«រសជាតិថ្មី១៦៨» ផ្ទះលេខ២ ផ្លូវលេខ៣១៣ សង្កាត់បឹងកក់ទី២
ខណ្ឌទួលគោក
ហើយបានហៅស្ត្រីលក់ស្រាបៀរដែលខ្លួនស្រលាញ់ពេញចិត្តឱ្យមកអង្គុយ
កំដរដៃ ព្រោះម្នាក់ៗមានដៃរស់រវើកដូចដៃម៉ឹក ។
នៅពេលផឹកស្រវឹងដោយខឹងស្រ្តីលក់ស្រាបៀរទៅអង្គុយតុផ្សេងៗព្រោះ
នាងមានម៉ូយច្រើន
ស្រាប់តែពេលត្រឡប់មកវិញបុរសនោះបានវាយទៅលើស្រ្តីម្នាក់នេះ
ចំនួន៣ដៃបណ្តាល ឱ្យហើមភ្នែក ។ បន្ទាប់ពីវាយហើយនៅយប់នោះ
ក៏មានការសម្របសម្រួលគ្នាដោយស្ត្រីនោះបានទារជំងឺចិត្តចំនួន៥០
ដុល្លារតែអត់ប្រាក់ ។
លុះក្រោយមកក៏ត្រូវមេការស្រ្តីបានហៅប៉ូលិសឱ្យនាំខ្លួនអ្នក
ប្រើអំពើហិង្សាទៅកាន់ប៉ុស្តិ៍នគរបាលរដ្ឋបាលបឹងកក់ទី២ ។
នៅចំពោះមុខស្រ្តីលក់ស្រាបៀរឈ្មោះយ៉ុន ចិន្តា
បានឱ្យដឹងថា
មូលហេតុដែលបានវាយទៅលើនាងដោយសារតែប្រចណ្ឌខឹងនាងស្និទ្ធស្នាល
ជាមួយប្រុសផ្សេងទៀត ។ បុរសកាចនេះបាននិយាយឱ្យដឹងទាំងស្រវឹងថា
ខ្លួនបានលួចស្រលាញ់ឈ្មោះង៉ែត ស៊ីផុន
ជាអ្នកលក់ស្រាបៀររយៈពេល១សប្តាហ៍មកហើយ ។
នៅវេលាម៉ោង៦និង៣០ល្ងាចថ្ងៃទី២៤ កុម្ភៈ
ខ្លួនបានអង្គុយផឹកនៅម្តុំផ្សារដេប៉ូក៏ត្រូវឈ្មោះង៉ែត ស៊ីផុន
បានទូរស័ព្ទឱ្យមកផឹកនៅហាងរសជាតិថ្មី១៦៨ វិញ ។
នៅពេលផឹកដោយនាងបានដើរចុះឡើងទៅតុផ្សេងហើយមានភាពស្និទ្ធស្នាលជា
មួយប្រុសផ្សេងក៏កើតក្តីប្រចណ្ឌក៏បានវាយចំនួន៣ដៃតែម្តង ។
នៅយប់នោះពេលទៅដល់ប៉ុស្តិ៍ស្រ្តីរូបនោះបាន
ប្រែចិត្តវិញដោយទាមទារជំងឺចិត្តចំនួន៥០០ដុល្លារ ។
ទោះបីជាយ៉ាងណាអ្នកបើកបររថយន្តរូបនោះពុំមានប្រាក់
និងម្យ៉ាងទៀតស្ថិតនៅក្នុងស្ថានភាពស្រវឹងមិនអាចដោះស្រាយបាន
ទាំងយប់
ត្រូវប៉ូលិសឃាត់ម៉ូតូទុកបណ្តោះអាសន្នរង់ចាំចូលខ្លួនមកដោះ
ស្រាយនៅពេលព្រឹកហើយឱ្យត្រឡប់ទៅផ្ទះវិញចាំស្វាងទើបអាចដោះស្រាយ
គ្នាបាន ។
ប៉ូលិសម្នាក់និយាយថា កាលនាងទារ៥០ដុល្លារ
បើឱ្យពេលនោះវាចប់បាត់ទៅហើយ ។ ពេលនេះនាងទារ៥០០ដុល្លារ
កាន់តែយ៉ាប់ថែមទៀត ៕
0 comments:
Post a Comment