ការសិក្សាៈ​ នៅពេលដែល កុមារមើលទូរទស្សន៍ អាចបង្ករ ឲ្យពួកគេប្រព្រឹត្ដអំពើខុសឆ្គង ជាច្រើនទៅថ្ងៃអនាគត

វ៉ាស៊ីនតោន៖ ទីភ្នាក់ងារព័ត៌មាន ចិនស៊ិនហួរ ចុះផ្សាយនៅថ្ងៃទី១៩ ខែកុម្ភៈ ឆ្នាំ២០១៣នេះថា តាម​
ការសិក្សា ស្រាវជ្រាវមួយបានគូស បញ្ជាក់ថា ការដែលបណ្តែតបណ្តោយ ឲ្យកុមារមើល ទូរទស្សន៍ ច្រើន អាចបង្កផលប៉ះពាល់អាក្រក់ ដោយបណ្តាល ឲ្យពួកគេប្រព្រឹត្តអំពើ ខុសឆ្គងពីសង្គម នៅ​
ថ្ងៃអនាគត ។
ផ្អែកតាមការសិក្សាថ្មីមួយ ដែលបានបោះពុម្ពផ្សាយដោយទស្សនាវដ្តី (U.S. journal Pediatrics) បាន​
ឲ្យដឹងថា នៅពេលដែលកុមារបានទស្សនាទូរទស្សន៍ជាប្រចាំថ្ងៃ និងច្រើនឡើងៗ ពួកគេ​នឹងអាច​
 មាន អារម្មណ៍រវើរវាយតាមការបង្ហាញអំពីតថ ភាពជាក់ស្តែងជាច្រើន ដែលបង្កឲ្យពួកគេអាច យក​
លំនាំតាម និងឈានទៅរកការប្រព្រឹត្តខុសនៅថ្ងៃណាមួយមិនខានាពេលអនាគតខាងមុខ ។​
ក្នុងមាន​ពាក់ព័ន្ធនឹងការប្រព្រឹត្តបទឧក្រិដ្ឋផ្សេងៗដែលខុសពីច្បាប់ ។ ការសិក្សាទៅ​លើកុមារ​
ប្រមាណ​១ពាន់នាក់ ដែលបានកើតនៅក្នុងប្រទេសណូវែលសេឡង់ គិតក្នុងឆ្នាំ១៩៧២-៧៣បានរក​
ឃើញថា ជារៀងរាល់ចន្លោះ២ឆ្នាំ កុមារដែលមានវ័យ ចន្លោះពី ៥និង១៥ឆ្នាំ ពួកគេ​តែងមើល​
ទូរទស្សន៍​ជារៀងរាល់ថ្ងៃ និងច្រើនដងក្នុងមួយថ្ងៃ ពួកគេក៏ត្រូវបាន រកឃើញថា ភាគច្រើនមា​នជាប់​
ពាក់ព័ន្ធនឹងបទឧក្រិដ្ឋជាច្រើន ហើយក្នុងចំណោមពួកគេទាំង នោះត្រូវ បានដាក់ទោស​នៅពេល​
ដែល​ពួកគេឈានចូលគ្រប់វ័យតាមច្បាប់កំណត់ ។ក្រុមអ្នកស្រាវជ្រាវមួយចំនួនមកពី​
សាកលវិទ្យាល័យ Otago នៅក្នុងប្រទេសណូវែសេឡង់ បានរកឃើញថា អ្នកដែលជាប់ពាក់ព័ន្ធ​នឹង​
បទឧក្រិដ្ឋចំពោះកុមារពេញវ័យបានកើនឡើង៣០ភាគរយ ដោយគិតអំពីថេរវេលា​នៃការមើល​
ទូរទស្សន៍របស់ពួកគេទាំងយប់ទាំងថ្ងៃ ។ ក្រៅពីនេះ ​គេក៏បានរកឃើញទៀតថា មិនត្រឹមតែ
ការមើល ទូរទស្សន៍ច្រើន កុមារអាចប្រឈម មុខនឹងបញ្ហាសុខភាព ដោយពួកគេអាចមាន
អារម្មណ៍  ខុសពីប្រក្រតី នៅពេលដែលពួកគេបាន ប្រឈមនឹង ទិដ្ឋភាពជាក់ស្តែងដែល បង្ហាញ
ឡើង តាមរយៈកញ្ចក់ទូរទស្សន៍ និងសតិអារម្មណ៍ស្មារតី និងផ្លូវចិត្តផងដែរ ៕