សមាគម​សិស្ស​ចាស់​ដុន​បូ​ស្កូ​កម្ពុជា​​នឹ​ង​រៀបចំ​កិច្ច​ប្រជុំ ដើម្បី​បោះ​ឆ្នោត​ជ្រើស​រើស​ប្រធាន​ថ្មី

សមាគម​សិស្ស​ចាស់​ដុនបូស្កូ​កម្ពុជា ជាសមាគម​មួយដែល​បង្កើតឡើង​ដោយអតីត​សិស្ស​សាលា​បច្ចេក​ទេស​​ដុន​បូស្កូ​ ទូទាំង​​​ប្រទេស​​កម្ពុជា ក្នុងគោល​បំណងដើម្បី​ជួយយុវជន​កម្ពុជាដែល​​គ្មានលទ្ធភាព​បន្តការ​សិក្សា​នៅ​ តាម​សាកល​​វិទ្យា​ល័យ ឬឧត្តម​សិក្សា​ផ្សេងៗ​​ឱ្យពួកគាត់​បាន​បន្តការ​​សិក្សា​នៅ​ក្នុង​សាលាដុន​ បូស្កូដោយ​គ្មាន​បង់​ប្រាក់ឡើយ។
សមាគមសិស្សចាស់ដុនបូស្កូកម្ពុជានឹងបង្កើតកម្មវិធីជួបជុំជាមួយនឹងសមាជិកសមាជិកានៃសមាគមក៏ដូចជាសិស្សចាស់ទាំងអស់គ្រប់ជំនាន់ដូចដើម្បី​ធ្វើ​ការ​បោះឆ្នោតជ្រើសរើសប្រធានសមាគមថ្មីក្នុងអាណត្តិទី២។ កម្មវិធីជួបជុំនិង​ការបោះ
ឆ្នោតជ្រើសរើសប្រធានរបស់សមាគម​សិស្ស​ ចាស់ដុនបូស្កូកម្ពុជា​នឹង​ត្រូវធ្វើឡើង​នៅព្រឹកថ្ងៃអាទិត្យ ទី៣ មីនា ២០១៣ ខាងមុខនេះ ហើយកម្មវិធីនេះផង​ដែរនឹង​ត្រូវ​ប្រារព្វធ្វើ​ឡើង​នៅ​ក្នុងអាគារពីរ៉ាមីតបិទ​ នៃសាលា​បច្ចេក​ទេសដុនបូស្កូ​ភ្នំពេញ ស្ថិតនៅ​ភូមិជ្រៃ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ក្រោម​អធិបតីភាពលោក​ចន វីស័រ អធិការសាលា​បច្ចេក​ទេស​ដុនបូស្កូ ខេត្តព្រះសីហនុ និងជាប្រធានមូលនិធិដុនបូស្កូកម្ពុជា ៕