បាញ់សម្លាប់បុរសម្នាក់ប្លន់យកម៉ូតូឌ្រីម ១គ្រឿង បានសម្រេចក្នុងក្រុងព្រះសីហនុ

សៅរ៍ ២៤ សីហា, ២០១៣ ម៉ោង ០៨:២០ ខេត្តព្រះសីហនុ ៖ មានករណីបាញ់សម្លាប់បុរសម្នាក់ ប្លន់យកម៉ូតូឌ្រីមស៊េរី០១៣ មួយគ្រឿងបានសម្រេច កាលពីវេលាម៉ោង ៨ និង ១៥នាទី យប់ថ្ងៃទី២៣ សីហា ២០១៣ នៅមុខសាលាបឋមសិក្សាផ្សារលើ ជាប់របងសាលាឯកជនសុវណ្ណភូមិ ស្ថិតក្នុងភូមិ២ ក្រុមទី៨ សង្កាត់លេខ៤ ក្រុងព្រះសីហនុ ខណៈដែលបុរសរងគ្រោះជិះម៉ូតូចេញពីកន្លែងលក់ជ្រូកខ្វៃ ធ្វើដំណើរទៅផ្ទះ ។ តាមប្រភពព័ត៌មាន បានឱ្យដឹងថា ជនរងគ្រោះឈ្មោះ សុខ ម៉េង អាយុ ៤៩ឆ្នាំ ត្រូវជនសង្ស័យបាញ់ចំនួន ២គ្រាប់ ស្លាប់ភ្លាមៗ នៅនឹងកន្លែង និងបាត់បង់ទ្រព្យសម្បត្តិ ម៉ូតូឌ្រីម ១គ្រឿង ខ្សែក. ១ខ្សែ ចិញ្ចៀន ១វង់ ៕

ប្រភពមកពីៈ កោះសន្ដិភាព

អានបន្ដ

យុវជនម្នាក់លោតសម្លាប់ខ្លួនពីលើស្ពានព្រះមុន្នីវង្សថ្មីដោយមិនដឹងមូលហេតុ

ថ្ងៃព្រហស្បត្ត៏ ទី១៥ ខែសីហា ឆ្នាំ២០១៣ ម៉ោង 12:55 PM រាជធានីភ្នំពេញ ៖ យុវជនម្នាក់បានលោតសម្លាប់ខ្លួនពីលើស្ពានព្រះមុនីវង្សថ្មី ស្ថិតក្នុងសង្កាត់ច្បារអំពៅទី១ ខណ្ឌមានជ័យ ដោយមិនដឹងមូលហេតុ បង្កការភ្ញាក់ផ្អើលកាលពីវេលាម៉ោង៨ និង៣០នាទីយប់ ថ្ងៃទី១៤ សីហា ២០១៣។ យុវជនខាងលើមិនត្រូវបានគេស្គាល់អត្តសញ្ញាណនៅឡើយទេ ហើយមុនពេលកើតហេតុគេឃើញយុវជនរូបនេះជិះកង់ឡើងស្ពានពីកើតទៅលិចដោយទឹកមុខក្រៀមក្រំយ៉ាងខ្លាំង លុះធ្វើដំណើរដល់ពាក់កណ្តាលស្ពានបានឈប់កង់ ហើយលើកកង់ទម្លាក់ទៅក្នុងទន្លេ រួចលោតសម្លាប់ខ្លួនទៅតាមក្រោយលិចបាត់តែម្តង។

ប្រភពមកពីៈ  កោះសន្ដិភាព

អានបន្ដ

ជិះគោយន្តជាន់មីនតោនផ្ទុះស្លាប់៦នាក់ របួសធ្ងន់ម្នាក់នៅស្រុកជាំក្សាន្ត

ថ្ងៃព្រហស្បត្ត៏ ទី១៥ ខែសីហា ឆ្នាំ២០១៣ ម៉ោង 10:47 ខេត្តព្រះវិហារ ៖ បុរស៦នាក់ស្លាប់ភ្លាមៗនៅកន្លែងកើតហេតុយ៉ាងអាណោចអាធ័ម និងម្នាក់ទៀតរបួសធ្ងន់ ខណៈពួកគេជិះគោយន្តត្រឡប់ពីស្រែចម្ងាយពីភូមិ៥គីឡូម៉ែត្រ បានជួបឧប្បត្តិហេតុជាន់មីនតោនដែលបន្សល់ទុកពីសម័យសង្គ្រាម បង្កឱ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី១៤ សីហា ២០១៣ ស្ថិតក្នុងភូមិអន្ទិល ឃុំយាង ស្រុកជាំក្សាន្ត ។ គេនៅមិនទាន់ស្គាល់អត្តសញ្ញាណសពជនរងគ្រោះទាំង៦នាក់ និងអ្នករងរបួសនៅឡើយទេ ។ តាមការបញ្ជាក់ពីលោកសុខ ហៃ អភិបាលស្រុកជាំក្សាន្តបានឱ្យដឹងថា ឧប្បត្តិហេតុនេះកើតឡើងដោយចៃដន្យ ដោយសារនៅតំបន់នោះជាអតីតតំបន់សមរភូមិសង្គ្រាម។ លោកបានបន្តទៀតថា សពជនរងគ្រោះទាំង៦នាក់នោះត្រូវក្រុមគ្រួសារយកទៅធ្វើបុណ្យតាមប្រពៃណីនៅលំនៅឋានរៀងៗខ្លួន ចំណែកអ្នករងរបួសធ្ងន់ត្រូវបញ្ជូនទៅសង្គ្រោះនៅមន្ទីរពេទ្យ។ លោកអភិបាលស្រុកជាំក្សាន្តបានបន្ថែមថា នៅថ្ងៃទី១៦ សីហា ២០១៣ស្អែកនេះ លោកអភិបាលខេត្តព្រះវិហារនឹងនាំយកអំណោយកាកបាទក្រហមកម្ពុជាទៅចែកជូនគ្រួសារជនរងគ្រោះទាំង៦នាក់ និងអ្នករងរបួសធ្ងន់ដល់លំនៅឋាន៕

ប្រភពមកពីៈ​ កោះសន្ដិភាព

អានបន្ដ

ហ៊ីយ៉ាន់ដាយដឹកដីបើកបុករនាំងដែកចែកផ្លូវបាក់៧ផ្ទាំងមុខផ្សារទឹកថ្លា

ថ្ងៃព្រហស្បត្ត៏ ទី១៥ ខែសីហា ឆ្នាំ២០១៣ ម៉ោង 10:47 រាជធានីភ្នំពេញ ៖ រថយន្តហ៊ីយ៉ាន់ដាយដឹកដីមួយគ្រឿងបើកបុករនាំងដែកចែកផ្លូវមុខផ្សារទឹកថ្លាបាក់អស់៧ផ្ទាំង កាលពីវេលាម៉ោង៨និង៤០នាទីព្រឹកថ្ងៃទី១៥ សីហា ២០១៣ តាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ ។ សាក្សីឱ្យដឹងថា មុនពេលកើតហេតុ គេឃើញរថយន្តដឹកដីម៉ាកហ៊ីយ៉ាន់ដាយ បើកតាមផ្លូវសហព័ន្ធរុស្ស៊ី ពីកើតទៅលិច លុះដល់មុខផ្សារទឹកថ្លា ដោយសាររថយន្តនៅខាងមុខជាន់ហ្វ្រាំងប្រថុចញ៉ុចពេក ធ្វើឱ្យរថយន្តដឹកដីបួងចង្កូតមិនទាន់ក៏ជ្រុលបុកបាក់រនាំងដែកចែកផ្លូវតែម្តង ៕

ប្រភពមកពីៈ​ កោះសន្ដិភាព

អានបន្ដ

ក្រុមគ្រូពេទ្យ កំពុងជួយសង្គ្រោះ កុមារពីរនាក់ឆ្លងវីរុស ផ្តាសាយបក្សី

កុមារកម្ពុជា២នាក់ទៀតហើយ បានឆ្លងវីរុស ផ្តាសាយបក្សី H5N1 ពួកគេក៏កំពុងត្រូវបានក្រុម គ្រូពេទ្យជួយសង្គ្រោះ យ៉ាងយកចិត្តទុកដាក់ផងដែរ។ នេះជាករណីទី១៥ និង១៦ នៅកម្ពុជា សម្រាប់ឆ្នាំ២០១៣នេះ។ ក្រសួងសុខាភិបាល និងអង្គការសុខភាពពិភពលោក នៅថ្ងៃទី១៣ ខែសីហា ឆ្នាំ២០១៣ បានចេញសេចក្តីប្រកាស ព័ត៌មានរួមគ្នាឲ្យដឹងថា បានរកឃើញករណីឆ្លងជំងឺផ្តាសាយបក្សីចំនួន ២ករណីថ្មីទៀត ក្នុងឆ្នាំ២០១៣នេះ ដោយ កើតទៅលើកុមារមានអាយុ៩ឆ្នាំ និង៥ឆ្នាំ នៅក្នុងខេត្តបាត់ដំបង និងខេត្តកណ្តាល។ យោងតាមសេចក្តីប្រកាសព័ត៌មានរួមគ្នា ដែលមជ្ឈមណ្ឌលព័ត៌មានដើមអម្ពិលទទួលបាននៅថ្ងៃដដែលនេះ បាន ឲ្យដឹងថា ការឆ្លងវីរុសផ្តាសាយបក្សី ដែលជាករណីទី១៥ បានកើតលើកុមារាអាយុ ៩ឆ្នាំ រស់នៅក្នុងភូមិដំណាក់ ដង្កោរ ឃុំរាំងកេសី ស្រុកសង្កែ ខេត្តបាត់ដំបង។ កុមារារូបនេះ ត្រូវបានវិទ្យាស្ថានប៉ាស្ទ័រកម្ពុជា បញ្ជាក់ថា មានជំងឺផ្តាសាយបក្សីនៅថ្ងៃទី៩ ខែសីហា ឆ្នាំ២០១៣។ កុមារា បានចាប់ផ្តើមឈឺនៅថ្ងៃទី២៦ ខែកក្កដា ឆ្នាំ២០១៣ ដោយមានគ្រុនក្តៅ និងក្អួត ហើយបានទទួលការព្យា បាលដោយបុគ្គលិកមណ្ឌលសុខភាពរាំងកេសី។ ដោយសារតែស្ថានភាពជំងឺ នៅតែមានសភាពធ្ងន់ធ្ងរ ក្រុមគ្រួសារ បញ្ជូនកុមារា ទៅព្យាបាលនៅមន្ទីរពេទ្យនៅខេត្តសៀមរាបបន្តទៀត។ រីឯករណីទី១៦ បានកើតទៅលើកុមារី មានអាយុ ៥ឆ្នាំ រស់នៅភូមិក្នុងព្រែក ឃុំព្រែកគយ ស្រុកស្អាង ខេត្តកណ្តាល ។ កុមារីរូបនេះ ចាប់ផ្តើមឈឺនៅថ្ងៃទី១ ខែសីហា ឆ្នាំ២០១៣ ដោយមានគ្រុនក្តៅ ហើយទទួលការព្យាបាលនៅ មណ្ឌលសុខភាព និងបានទទួលការព្យាបាលនៅមន្ទីពេទ្យឯកជន។ ប៉ុន្តែស្ថានភាពជំងឺនៅតែមានសភាពធ្ងន់ធ្ងរ គេ ក៏បានបញ្ជូនកុមារីនោះ មកព្យាបាលបន្តទៅមន្ទីរពេទ្យគន្ធបុប្ផារាជធានីភ្នំពេញ។ លោក ម៉ម ប៊ុនហេង រដ្ឋមន្រ្តីក្រសួងសុខាភិបាលកម្ពុជា ក្នុងសេចក្តីប្រកាសព័ត៌មាននោះ បានមានប្រសាសន៍ថា « ជំងឺផ្តាសាយបក្សី នៅតែបន្តគំរាមកំហែងដល់សុខភាពប្រជាពលរដ្ឋកម្ពុជា និងកើតមានច្រើនលើកុមារ ហើយនេះ គឺជាករណីទី១៥ និងទី១៦ ដែលកើតទៅលើមនុស្សនៅឆ្នាំ២០១៣នេះ»។ លោកបន្តថា ជានិច្ចកាលកុមារតែងតែជាអ្នកមើលថែទាំ និងឲ្យចំណីបសុបក្សីក្នុងស្រុក បោសសំអាតទ្រុង និង ប្រមូលស៊ុតមាន់ទា ជាងនេះទៅទៀតកុមារអាចប៉ះពាល់ជិតស្និទ្ធជាមួយបសុបក្សី ដោយសារតែពួកគេចាត់ទុកវា ដូចជាសត្វដែលចិញ្ចឹមលេង និងមានភាពងាយរងគ្រោះច្រើន និងមានហានិភ័យខ្ពស់ ពីព្រោះពួកគេចូលចិត្តលេង កន្លែងដែលមានបសុបក្សី។ លោក ម៉ម ប៊ុនហេង បានធ្វើការរំលឹក ដល់ឪពុកម្តាយ និងអ្នកថែទាំងកុមារទាំងអស់ ត្រូវដាក់កុមារឲ្យឆ្ងាយ ពីសត្វ បក្សីឈឺឬងាប់ និងព្យាយាមឲ្យកុមារលេង ឲ្យឆ្ងាយពីមាន់ និងទា ហើយឪពុកម្តាយ និងអ្នកថែទាំងកុមារទាំងអស់ ត្រូវប្រាកដថា កុមារលាងដៃជាមួយសាប៊ូ បន្ទាប់ពីពួកគេប៉ះជាមួយបសុបក្សី។ ប្រសិនបើពួកគេមានដង្ហើមញាប់ ឬ ពិបាកដកដង្ហើម ត្រូវនាំកុមារមករកការព្យាបាលជាបន្ទាន់ នៅគ្រឹះស្ថានសុខាភិបាល។ រាជរដ្ឋាភិបាលកម្ពុជា ក៏បានបង្កើតសារជាច្រើន ដើម្បីបង្កើនការយល់ដឹងដល់ប្រជាពលរដ្ឋ និងទប់ស្កាត់ការរីក រាលដាល នៃជំងឺ H5N1 រួមមាន លាងដៃ ឲ្យបានញឹកញាប់ ដាក់កុមារនៅឆ្ងាយពីសត្វបក្សី ដាក់សត្វបក្សីនៅឱ្យ ឆ្ងាយពីកន្លែងរស់នៅ កុំបរិភោគ សត្វបក្សីឈឺឬងាប់ និងរាល់សត្វបក្សី ដែលធ្វើ សម្រាប់បរិភោគ ត្រូវចំអិនឲ្យឆ្អិន ល្អ។ សេចក្តីប្រកាសព័ត៌មានបញ្ជាក់ទៀតថា នេះជាករណីទី១៥ និងទី១៦ ក្នុងឆ្នាំ២០១៣នេះ និងជាករណីទី៣៦ និង ៣៧ ដែលឆ្លងវីរុសផ្តាសាយបក្សី H5N1នៅកម្ពុជា។ ២៦កណី ក្នុងចំណោមករណីផ្តាសាយបក្សីទាំង៣៧ ដែល កើតមានឡើងនៅកម្ពុជា កើតលើកុមារអាយុក្រោម១៤ឆ្នាំ ហើយ ២២ករណីក្នុងចំណោមករណីគ្រុនផ្តាសាយបក្សី ទាំង៣៧ ជានារី។ មានតែ៧ករណីក្នុងចំណោម១៦ករណីក្នុងឆ្នាំ២០១៣នេះ រស់រានមានជីវិត។ ជំងឺផ្ដាសាយបក្សី H5N1 ជាជំងឺផ្ដាសាយមួយ ដែលជាធម្មតាចម្លងពីសត្វបក្សីឈឺ ទៅបក្សីផ្សេងទៀត ប៉ុន្ដែជួន កាល វាអាចចម្លងពីបក្សីទៅមនុស្សផងដែរ។ ជំងឺផ្ដាសាយបក្សីលើមនុស្សជាជំងឺធ្ងន់ធ្ងរ ដែលតម្រូវឱ្យមានការព្យា បាលនៅមន្ទីរពេទ្យ។ ទោះបីជាវាមិនងាយឆ្លងពីមនុស្សម្នាក់ទៅមនុស្សម្នាក់ទៀត ប៉ុន្ដែបើវាផ្លាស់ប្ដូរ វានឹងអាចរាល ដាល ដូចនឹងជំងឺផ្ដាសាយតាមរដូវកាល។ ដូច្នេះការរកឃើញករណីទាន់ពេលវេលាមានសារៈសំខាន់បំផុត។ ចំពោះស្ថានភាពពិភពលោកវិញចាប់តាំងពីឆ្នាំ២០០៣ មានករណីផ្តាសាយបក្សី សរុបទាំងអស់៦៣៦ដែលបញ្ជាក់ ដោយមន្ទីរពិសោធន៍ និងក្នុងនោះមាន៣៧៧នាក់បានស្លាប់។ តាមសេចក្តីប្រកាសនេះ ក៏បានតាស់តឿនផងដែរដល់អាណាព្យាបាលទាំងអស់ បើរកឃើញកុមារមានអាការៈដក ដង្ហើមញាប់ ឬពិបាកដកដង្ហើម ត្រូវនាំកុមារទៅរកការព្យាបាលជាបន្ទាន់ នៅគ្រឹះស្ថានសុខាភិបាល ដែលនៅជិត ផ្ទះរបស់លោកអ្នកបំផុត ហើយត្រូវប្រាប់មន្ដ្រីសុខាភិបាល អំពីប្រវត្ដិប៉ះពាល់ជាមួយសត្វបក្សីឈឺ ឬងាប់។ ប្រសិនបើលោកមានការសង្ស័យថា កូន ឬប្រជាពលរដ្ឋក្នុងសហគមន៍ កើតជំងឺផ្តាសាយបក្សី លោកអ្នកអាចទាក់ ទងទូរស័ព្ទទៅកាន់ ១១៥ ឥតគិតថ្លៃ ឬទូរស័ព្ទលេខ ០១២ ៤៨៨ ៩៨១/ ០៨៩ ៦៦៩ ៥៦៧ ដើម្បីទទួលបាន ការប្រឹក្សាបន្ទាន់ពីមន្រ្តីជំនាញ៕

ប្រភពមកពីៈ កោះសន្ដិភាព

អានបន្ដ

រូបភាព

អានបន្ដ

លោកយាយជរាឯកោ៣នាក់រស់នៅយ៉ាងវេទនា កំពុងដង្ហោយរកសប្បុរសជន

លោកយាយ៣នាក់មានវ័យចំណាស់ជរាទៅហើយ គ្មានប្តី គ្មានកូនជាទីពឹងហ្នឹងគេ កំពុងរស់នៅក្នុងខ្ទមដ៏តូចកម្សត់មួយប្រក់ស្បូវ ជញ្ជាំងស្បូវ ត្រូវបានអ្នកយកព័ត៌មានកោះសន្តិភាព និងលោកមេភូមិស្ទឹងកំបុតចុះទៅនៅវេលាម៉ោង៩ព្រឹកថ្ងៃទី១១ កក្កដា ២០១៣ ស្ថិតនៅក្នុងភូមិស្ទឹងកំបុតដែលទើបកកើតជាភូមិមួយដែលនៅឆ្ងាយដាច់ស្រយាលពីទីប្រជុំជន ។ លោកសេង វឿន មេភូមិស្ទឹងកំបុតបានឱ្យដឹងថា លោកទាំង៣នាក់នោះ ១-ឈ្មោះដឹង លេន អាយុ៧៥ឆ្នាំ , ២-ឈ្មោះដឹង លន់ អាយុ៧២ឆ្នាំ ពិការដៃជើងខាងស្តាំ ដែលលោកទាំងពីរជាបងប្អូនបង្កើតនឹងគ្នា មានប្តីតែគ្មានកូន សព្វថ្ងៃប្តីពួកគាត់ស្លាប់ចោលពួកគាត់អស់ហើយ និង៣-ឈ្មោះហាយ អឿម អាយុ៨០ឆ្នាំ គ្មានប្តី (ក្រមុំចាស់) រស់នៅតែម្នាក់ឯង ។ លោកយាយទាំង៣នាក់ រស់បានក៏ដោយសារបងប្អូនអ្នកភូមិជិតខាងជួយចែករំលែកជូនពួកគាត់ដូចជាអង្ករ ត្រី សាច់ ឬក៏ដាំបាយសម្លរ និងថវិកាបន្តិចបន្តួចយកទៅជូនគាត់ជាដើម ។ លោកមេភូមិបានបន្តទៀតថា ខ្ទមលោកយាយពេលភ្លៀងមកម្តងៗ ពួកគាត់យកឈើទល់កុំឱ្យទឹកភ្លៀងហូរចូលក្នុងរហូតដល់ភ្លៀងរាំង ដោយឃើញស្ថានភាពលំបាកពេក លោកបានពិភាក្សាជាមួយសមាជិកក្នុងសហគមន៍ជួយឧបត្ថម្ភស័ង្កសីជូនលោកយាយដែលអស់ទឹកប្រាក់ចំនួន១២០ដុល្លារ ដើម្បីប្រក់ដំបូលខ្ទមជូនពួកគាត់ ។ ជាមួយគ្នានោះដែរ លោកមេភូមិស្ទឹងកំបុត បានអំពាវនាវដល់សប្បុរសជនជិតឆ្ងាយ សូមជួយឧបត្ថម្ភជាថវិកា និងសម្ភារជូនដល់លោកយាយកម្សត់ទាំង៣នាក់នោះផង ដែលសព្វថ្ងៃពួកគាត់កំពុងតែមានជីវភាពក្រលំបាកខ្លាំងណាស់ ៕

ប្រភពមកពី កោះសន្ដិភាព

អានបន្ដ

ប្រជាពលរដ្ឋ១គ្រួសាររងគ្រោះដោយភ្លើងឆេះផ្ទះទទួលអំណោយពីសាខាកាកបាទក្រហមខេត្តកំពង់ឆ្នាំង

ប្រជាពលរដ្ឋ១គ្រួសារដែលរងគ្រោះដោយសារភ្លើងឆេះផ្ទះកាលពីពេលកន្លងទៅបានមកកាន់ការិយាល័យសាខាកាកបាទក្រហមខេត្តនៅព្រឹក ថ្ងៃទី៩ កក្កដា ២០១៣នេះដើម្បីទទួលអំណោយរបស់កាកបាទក្រហម។ លោកប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តមានប្រសាសន៍ថា ប្រជាពលរដ្ឋមួយគ្រួសាររងគ្រោះដោយភ្លើងឆេះផ្ទះកាលពីពេលកន្លងទៅមានមេគ្រួសារឈ្មោះសុខ សោម អាយុ៤៧ឆ្នាំ មានទីលំនៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។ លោកបន្តថា តាមពិតទៅក្រោយកើតហេតុគ្រួសារនេះត្រូវបានកាកបាទក្រហមផ្តល់អំណោយសង្គ្រោះមួយលើកហើយ ប៉ុន្តែដោយសារស្ថានភាពគ្រួសារនេះក្រោយពីភ្លើងឆេះផ្ទះ គឺអស់រលីងពីខ្លួន និងមានជីវភាពយ៉ាប់យ៉ឺនខ្លាំងទើបថ្ងៃនេះ សាខាកាកបាទក្រហមបានសម្រេចផ្តល់អំណោយជូនជាលើកទី២ទៀត។ ក្រោយពីទទួលអំណោយរបស់សាខាកាកបាទក្រហមខេត្តរួចមក គ្រួសាររងគ្រោះមានចិត្តត្រេកអរក្រៃលែង និងបានថ្លែងអំណរគុណដល់សាខាកាកបាទក្រហមដែលជានិច្ចកាលតែងតែជួយដល់គ្រួសាររងគ្រោះដោយឧប្បត្តិហេតុផ្សេងៗ ដោយមិនប្រកាន់និន្នាការនយោបាយឡើយ ៕

ប្រភពមកពី កោះសន្ដិភាព

អានបន្ដ

ប្រទះឃើញសពស្ត្រីពុំស្គាល់អត្តសញ្ញាណអណ្តែតក្នុងទឹកអូរសង្ស័យករណីឃាតកម្ម

សព​ស្ត្រី​មិន​ស្គាល់​អត្ត​សញ្ញាណ​ម្នាក់​ត្រូវ​បាន​គេ​ប្រទះ​ឃើញ​អណ្តែត​ក្នុង​ទឹក​អូរ​កេង​កងទាំងអាក្រាត​កាយបង្ក​ការ​ភ្ញាក់​ផ្អើល​​កាល​ពី​​ព្រឹក ថ្ងៃ​ទី​៧ កក្កដា ២០១៣ ស្ថិត​ក្នុង​ភូមិ​ពពេល​ ឃុំ​ផ្អាវ ស្រុក​ត្រពាំង​ប្រាសាទ សង្ស័យ​ករណី​ឃាត​កម្ម​។ ​បច្ចុប្បន្ន​សមត្ថ​កិច្ច​កំពុងធ្វើ​ការ​​ស្រាវ​ជ្រាវ​រក​អត្ត​សញ្ញាណ​សព​​  ៕

ប្រភពមកពី កោះសន្ដិភាព

អានបន្ដ

សម្រេចផ្តន្ទាទោសនិស្សិតពេទ្យ ដាក់ពន្ធនាគារ៣ឆ្នាំ និងពិន័យថវិកាចំនួន៦លានរៀល

រាជធានីភ្នំពេញ ៖ សាលាដំបូងរាជធានីភ្នំពេញសម្រេចផ្តន្ទាទោស និស្សិតពេទ្យបើករថយន្តបុក ក្មេង៣នាក់ស្លាប់ និងរបួស៦នាក់នៅមុខក្រសួងមហា ផ្ទៃដាក់ពន្ធនាគារ៣ឆ្នាំ អនុវត្តន៍ក្នុងពន្ធនាគារ ៣ខែ១៥ថ្ងៃ សល់ប៉ុន្មានព្យួរ និងពិន័យថវិកាចូលរដ្ឋចំនួន៦លានរៀល បន្ទាប់ពីប្រកាសសាលក្រម កាលពីវេលាម៉ោង ២និង៣០នាទីរសៀលថ្ងៃទី១២ មិថុនានេះ ។ គួរបញ្ជាក់ថាសាលាដំបូងរាជធានីភ្នំពេញ បានបើកសវនាការជំនុំ ជម្រះជាសាធារណៈកាលពីរសៀលថ្ងៃទី៦ មិថុនា កន្លងមក បន្ទាប់ពីចៅក្រមស៊ើប សួរបិទការស៊ើបអង្កេត ។ អង្គសវនាការបានធ្វើឡើង ចំពោះមុខជនត្រូវចោទ និងមេធាវីការពារក្តី ។ ជនត្រូវចោទឈ្មោះ គាម ពិសិដ្ឋណារីតា អាយុ២៣ឆ្នាំ និស្សិតឆ្នាំទី៦ នៃសាកលវិទ្យាល័យវេជ្ជសាស្ត្រ និងសុខាភិបាល មានអាសយដ្ឋាននៅក្រុងតាខ្មៅ ខេត្តកណ្តាល ។ ជនត្រូវចោទឈ្មោះ គាម ពិសិដ្ឋណារីតា ត្រូវបានតំណាងអយ្យការ សាលាដំបូងរាជធានីភ្នំពេញ ចោទប្រកាន់ពីបទបើកបរបង្កឱ្យមានគ្រោះថ្នាក់ស្លាប់ និងរបួសដល់អ្នកដទៃ ដោយអចេតនាប្រព្រឹត្តនៅ លើដងមហាវិថីព្រះនរោត្តមមុខ ក្រសួងមហាផ្ទៃ ស្ថិតនៅក្នុងសង្កាត់ទន្លេបាសាក់ ខណ្ឌចំការមន កាលពីវេលាល្ងាចថ្ងៃទី១ មីនា ។ ហេតុការណ៍ បុករះគួរឱ្យរន្ធត់នោះបានបង្កឱ្យការភ្ញាក់ផ្អើល យ៉ាងខ្លាំងសម្រាប់សាធារណជនទូទៅ ពិសេសការស្លាប់របស់កុមារ ប្រុស-ស្រី៣នាក់ និងរបួស៦នាក់ផ្សេងទៀត ។ ការបុករះនោះ គឺបណ្តាលមកពីការស្លន់ស្លោ របស់និស្សិតស្រីវ័យក្មេង ដែលបើករថយន្តនោះក៏បណ្តាលឱ្យ បុករះនៅតាមដងផ្លូវដែល មានចរាចរណ៍យា៉ងមមាញឹក ។ ជនត្រូវចោទឈ្មោះ គាម ពិសិដ្ឋណារីតា អាយុ២៣ឆ្នាំ ជាកូនស្រីរបស់លោក គាម ពិសិដ្ឋ អនុប្រធានមន្ទីរសុខាភិបាលខេត្តកណ្តាល ។

 ផ្ដល់សិទ្ធិដោយ​ កោះសន្ដិភាព

អានបន្ដ

ស្រវឹងស្រា ជិះម៉ូតូលឿន ជ្រុលបុក អ្នកសុំទាន ដើរឆ្លងផ្លូវ បណ្តាលឲ្យ រងរបួសធ្ងន់ ពីរនាក់

ភ្នំពេញ៖ អ្នកសុំទានម្នាក់ រងរបួសធ្ងន់ធ្ងរ ខណៈបុរសម្នាក់ ជិះម៉ូតូទាំងស្រវឹងស្រា បើកបុកពេញទំហឹង កាលពីវេលាម៉ោង ២១ នឹង ៣០ នាទីយប់ថ្ងៃទី ០៩ ខែមិថុនា ឆ្នាំ ២០១៣ តាមបណ្តោយផ្លូវលេខ ២៧១ ច្រមុះជ្រូកក្បាលថ្នល់ ក្នុងសង្កាត់ផ្សារដើមថ្កូវ ខណ្ឌចំការមន ។

សាក្សីដែលបាន ឃើញហេតុការណ៍ខាងលើនេះ បានឲ្យដឹងថា មុនពេលកើតហេតុ គេបានឃើញបុរសម្នាក់ វ័យជាង ៣០ ឆ្នាំ បានជិះម៉ូតូ មួយគ្រឿង ម៉ាកសេ ១២៥ ស៊េរី២០១២ ពាក់លេខភ្នំពេញ 1AY-0938 ធ្វើដំណើរ តាមបណ្តោយផ្លូវលេខ ២៧១ ដោយបានបើកបរ ក្នុងល្បឿនយ៉ាងលឿន ពីកើតទៅលិច លុះបើកដល់ចំណុចកើតហេតុ មានបុរសម្នាក់ទៀត ដែលជាអ្នកសុំទាន បានដើរឆ្លងកាត់ផ្លូវ ២៧១ ក៏ត្រូវម៉ូតូសេ ១២៥ បើកបុកពេញទំហឹង តែម្តង បណ្តាលឲ្យម្ចាស់ម៉ូតូ សេ ១២៥ និងបុរស ដែលដើរឆ្លងផ្លូវ ត្រូវរងរបួសធ្ងន់ធ្ងរទាំងពីរនាក់ ចំណែកម៉ូតូត្រូវ រងការខូចខាតស្ទើរទាំងស្រុង ។

បន្ទាប់ពីកើតហេតុ ម៉ូតូត្រូវបានសមត្ថកិច្ច នគរបាលចរាចរ ខណ្ឌចំការមន ចុះមកអន្តរាគមន៍ ធ្វើការវាស់វែង អូសយកទៅរក្សា ទុក នៅអធិការដ្ឋាន នគរបាលខណ្ឌ ដើម្បីរង់ចាំដោះស្រាយតាមផ្លូវច្បាប់ ។ ចំណែកអ្នករងរបួស ត្រូវរថយន្តសាមុយមកដឹក យកទៅសង្គ្រោះ នៅមន្ទីរពេទ្យ មិត្តភាពខ្មែរសូវៀត ( ហៅរុស្ស៊ី) ភ្លាមៗតែម្តង ៕

ដោយ ៖ ដើមអម្ពិល

ផ្តល់សិទ្ធដោយ ដើមអម្ពិល

អានបន្ដ

អស់ព្រហ្មចារីយ៍ ព្រោះតែទៅខ្ចី ឆ្នាំងសាកទូរស័ព្ទ

ភ្នំពេញៈ ក្មេងស្រី ដែលជាអនីតិជនម្នាក់ ត្រូវយុវជនម្នាក់ ចាប់រំលោភ រហូតបានសម្រេច បន្ទាប់ពីនាង បានទៅសួរ នាំជនសង្ស័យ ក្នុងគោលបំណងខ្ចីឆ្នាំសាកទូស័ព្ទ យកមកសាកទូរស័ព្ទរបស់នាង ប៉ុន្តែ គ្រាន់តែជនសង្ស័យបង្ហើប ទ្វារ រួចក៏ទាញដៃនាង ចូលទៅក្នុងបន្ទប់ ធ្វើសកម្មភាពរំលោភ រហូតបានសម្រេចតែម្តងទៅ ។

ហេតុការណ៍នេះ កើតឡើងកាលពីព្រឹកថ្ងៃទី៩ ខែមិថុនា ឆ្នាំ២០១៣ ស្ថិតនៅក្នុងផ្ទះជួល របស់ជនសង្ស័យ ភូមិជ្រៃ កោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ នគរបាលបានឲ្យដឹងថា ជនសង្ស័យមានឈ្មោះ ហួ លឹប អាយុ ២៣ ឆ្នាំ មានមុខរបរ ជាកម្មរោងចក្រ ស្នាក់នៅភូមិ សង្កាត់កើតហេតុ ចំណែកឯនារីរងគ្រោះអាយុ ១៥ឆ្នាំ ស្នាក់នៅក្បែរបន្ទប់របស់ជនសង្ស័យដែរ ។

ប្រភពបានបន្តទៀតថា កាលពីយប់ថ្ងៃទី៨ ខែមិថុនា ឆ្នាំ២០១៣ នារីរងគ្រោះ បានទៅសួរជនរងគ្រោះ ដើម្បីខ្ចីឆ្នាំង សាកទូរស័ព្ទ យកមកសាកទូរស័ព្ទរបស់នាង ភ្លាមៗនោះ ជនសង្ស័យក៏បានបើកទ្វារបន្ទប់របស់គេ រួចហើយចាប់ ដៃនាងអូសចូលទៅក្នុងបន្ទប់ ខ្ទាស់គន្លឹះខាងក្នុងជាប់ រួចហើយធ្វើសកម្មភាព រំលោភរហូតបានសម្រេចតែម្តងទៅ ដោយម្តាយមីងរបស់នារីរងគ្រោះឈ្មោះ ទេព សុធារ៉ា បាត់នារីរងគ្រោះយូរពេក ក៏តាមរកនាងដឹងថា នាងទៅខ្ចី ឆ្នាំងសាកទូរស័ព្ទ របស់ជនសង្ស័យ ហើយក៏ច្រានទ្វារបន្ទប់ ស្រាប់តែឃើញក្មួយគាត់ និងជនសង្ស័យ នៅក្នុង បន្ទប់ជាមួយគ្នា ដោយស្លៀកខោអាវខុសត្រូវនៅឡើយ ហើយបានហៅនាង មកសួរនាំនាងប្រាប់ថា ជនសង្ស័យ រំលោភនាងបានសម្រេចម្តង ។

ចំណែកឯជនសង្ស័យ ក៏មិនបានគេចខ្លួនទៅណា រហូតដល់ព្រឹកឡើង ក្រុមគ្រួសារនារីរងគ្រោះ ឃាត់ខ្លួននាំយក ប្រគល់ឲ្យនគរបាល ចាត់ការទៅតាមផ្លូវច្បាប់ ៕

ដោយ ៖ ដើមអម្ពិល

ផ្តល់សិទ្ធដោយ ដើមអម្ពិល

អានបន្ដ

ការដឹកជញ្ជូនឈើប្រណីតនៅតែគគ្រឹកគគ្រេង មន្ត្រីខិលខូចមួយចំនួនសប្បាយយកលុយពីពួកឈ្មួញ

ខេត្តរតនគិរី ៖ រថយន្តតូចធំ បានសម្រុកដឹកជញ្ជូនឈើប្រណីត ចេញពីតាមបណ្តាស្រុក មួយចំនួនក្នុងខេត្តរតនគិរី ឆ្ពោះទៅប្រទេសវៀតណាមតាមច្រកទ្វារ អន្តរជាតិអូរយ៉ាដាវ និងច្រករបៀងមួយចំនួនទៀត ដូចជាច្រកភ្នំក្រហម ឃុំប៉កញ៉ៃ ច្រកផ្លូវទឹកភូមិភិះ និងច្រករបៀង នៅខាងក្រោយកាស៊ីណូ មានចម្ងាយប្រហែល៣០០ម៉ែត្រ ពីច្រកទ្វារអន្តរជាតិអូរយ៉ាដាវ យ៉ាងគគ្រឹកគគ្រេង ។ ច្រកទាំងនោះមានប៉ូលិសអន្តោប្រវេសន៍ និងគយប្រចាំការដែរ  ប៉ុន្តែបទល្មើសនាំឈើចេញនៅតែដំណើរការ ។

តាមព័ត៌មានបានឱ្យដឹងថា ចំពោះការដឹកជញ្ជូនឈើប្រណីតនោះ ធ្វើឡើងនៅលើដងផ្លូវជាតិលេខ៧៨A ដោយបានឆ្លងកាត់ប៉ុស្តិ៍នគរបាលជាច្រើនកន្លែង ដែលតាមសេចក្តីរាយការណ៍បានបង្ហើបឱ្យដឹងថា រថយន្តដែលដឹកជញ្ជូនឈើប្រណីតលើផ្លូវជាតិលេខ៧៨Aនេះ មានច្រើនប្រភេទដូចជារថយន្តកាមរី ឡង់គ្រីស្ស័រ និងរថយន្តតូយ៉ូតាមួយបាំងកន្លះជាដើម ។ បើតាមផ្លូវទឹកនៅក្នុងដងទន្លេសេសាន ចេញពីកោះពាក់ ភូមិបាដល មានទូកធំៗដែលនៅពេលយប់ក្រុមទូកទាំងនោះចូលតាមច្រករបៀងភូមិ ភិះ ។ ទោះជាបែបណាពុំមានរថយន្ត ឬទូកណាមួយគេចផុតពីសមត្ថកិច្ចបានឡើយ បើហា៊នតែបើករត់ប្រាកដជាត្រូវរងការប្រដេញតាមក្របួចយកស្នា ដៃមិនខាន ។

ជាក់ស្តែងដូចនៅល្ងាចថ្ងៃទី៥ មិថុនា មានរថយន្តឡង់គ្រីស្ស័រមួយគ្រឿងរបស់ឈ្មួញម្នាក់បានដឹកឈើ ប្រណីតពេញ ដែលធ្លាប់បង់លុយ ប៉ុន្តែពេលនេះភ្លេចសែនឱ្យ ក៏ត្រូវរថយន្តកាមរីគូទស្វិត ពណ៌ត្រេអីុ ពាក់ស្លាកលេខខេមរភូមិន្ទ២-៦១០២ របស់យោធាវរៈការពារព្រំដែន ដេញតាមស្ទាក់រហូតដល់ច្រកទ្វារអន្តរជាតិអូរយា៉ដាវ ហើយបានឈប់និយាយគ្នាមួយសន្ទុះទំនងជាត្រូវដងត្រូវផ្លែ ទើបអនុញ្ញាតឱ្យបន្តដំណើរ ៕

បញ្ចូលអត្ថបទ ៖ បុប្ផា កោះ

ផ្តល់សិទ្ធដោយ កោះសន្តិភាព

អានបន្ដ

គោ​យន្ត​បុក​ជាមួយ​ម៉ូតូ​ស្លាប់​ឪពុក​ក្មេករបួស​ធ្ងន់​កូន​ប្រសា

ខេត្តកំពង់ឆ្នាំង ៖ បុរសចំណាស់ម្នាក់បានស្លាប់ ខណៈដឹកទៅសង្គ្រោះនៅមន្ទីរពេទ្យ និងបុរសជាកូនប្រសា បានរងរបួសធ្ងន់ ក្នុងហេតុការណ៍គ្រោះថ្នាក់ ចរាចរណ៍មួយ ដែលកើតឡើង កាលពីវេលាម៉ោង៥ និង៣០នាទីល្ងាចថ្ងៃទី៦ មិថុនា នៅចំណុចផ្លូវក្រួសក្រហមបែកជា៣ ស្ថិតក្នុងភូមិសាលាឃុំ ឃុំពពេល ស្រុកបរិបូរណ៍ ។

សាក្សីនិយាយថា បុរសរងគ្រោះជាឪពុកក្មេកឈ្មោះយិន ហន អាយុ៧៣ឆ្នាំ ចំណែកកូនប្រសាឈ្មោះប៉េង ជា អាយុ៣៩ឆ្នាំ ពួកគេមានលំនៅភូមិក្រាំងខ្មែរ ឃុំសាលាឃុំ ។ ប្រភពដដែលបានបន្តថា មុនពេលកើតហេតុបុរសជាឪពុកក្មេក និងកូនប្រសាបានជិះម៉ូតូម៉ាកសង់កូរ៉េ ពណ៌ក្រហមគ្មានស្លាកលេខពីត្បូងទៅជើង លុះមកដល់ចំណុចកើតហេតុជាផ្លូវបំបែកជា៣ ស្រាប់តែមានគោយន្តកន្ត្រៃមួយគ្រឿង បើកយ៉ាងលឿនក្នុងទិសដៅបញ្ច្រាសគ្នា ជ្រុលបុកជាមួយម៉ូតូយ៉ាងពេញទំហឹង បណ្តាលឱ្យបុរសទាំងពីរនាក់រងរបួសជាទម្ងន់ ត្រូវដឹកទៅមណ្ឌលសុខភាពស្រុកបរិបូរណ៍ ប៉ុន្តែដោយសារបុរសជាឪពុកក្មេករបួសធ្ងន់ធ្ងរពេក ក៏ដឹកបន្តទៅមន្ទីរពេទ្យខេត្ត ប៉ុន្តែបានស្លាប់នៅតាមផ្លូវ ចំណែកកូនប្រសារងរបួសក្បាលដេរ៩ថ្នេរ។

អ្នកបើកបរគោយន្តកន្ត្រៃឈ្មោះហៀង ស៊ុនហេង អាយុ១៧ឆ្នាំ មានលំនៅភូមិស្ទឹងថ្មី ឃុំអញ្ចាញរូង ស្រុកបរិបូរណ៍ ត្រូវសមត្ថកិច្ចនាំទៅកាន់អធិការដ្ឋាន រួមជាមួយគោយន្តកន្ត្រៃ និងម៉ូតូ ដើម្បីដោះស្រាយតាមនីតិវិធី ៕

បញ្ចូលអត្ថបទ ៖ ស្រីណា កោះ

ផ្តល់សិទ្ធដោយ កោះសន្តិភាព

អានបន្ដ

ស្ដ្រីម្នាក់ កុមារម្នាក់ ត្រូវរន្ទះបាញ់ស្លាប់ ខណៈ កំពុងធ្វើចំការ នៅស្រុកថៃ

បន្ទាយមានជ័យៈ លោក សូរ ចាន់ណារី មេបញ្ជាការនគរបាល វរការពារព្រំដែនគោកលេខ៩១១ បានឲ្យ អ្នកសារពត៌មាន ដឹងនៅថ្ងៃទី០៣ ខែមិថុនា ឆ្នាំ២០១៣ នេះថា ស្ត្រីខ្មែរម្នាក់ ដែលត្រូវរន្ទះបាញ់ស្លាប់ នៅលើដីថៃ មានឈ្មោះ ម៉ន សារឿន អាយុ២១ឆ្នាំ មានស្រុកកំណើត នៅភូមិល្បើក ឃុំក្តីរន្ធ ស្រុកពួក ខេត្តសៀមរាប បានស្លាប់ ដោយរន្ទះបាញ់កាលពីថ្ងៃទី០១ ខែមិថុនា ឆ្នាំ២០១៣ វេលាម៉ោង៤រសៀល នៅភូមិណងគាង ឃុំបារ៉ៃ ស្រុកអារញ្ញ័ ខេត្តស្រះកែវ ។

កុមាររងគ្រោះម្នាក់ទៀតមានឈ្មោះ នុត ណាន អាយុ៥ឆ្នាំ រស់នៅភូមិទំនប់ដាច់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ក៏ស្លាប់ដោយសាររន្ទះបាញ់ ដែរ។ ក្រោយកើតហេតុ សពកុមាររូបនេះត្រូវបានឱពុកម្តាយ បូជាយកតែធាតុមកធ្វើបុណ្យនៅស្រុកកំណើត។

លោក សូរ ចាន់ណារី បានបញ្ជាក់ថាចំពោះសពស្ត្រីរងគ្រោះ ម៉ន សារឿន ត្រូវបានអាជ្ញាធរថៃ បញ្ជូនមកកម្ពុជា នឹងបានរក្សារទុកនោះ វត្តព្រៃគប់ដើម្បីរង់ចាំ សាច់ញាតិមកទទួលយកទៅធ្វើ បុណ្យនៅស្រុកកំណើត៕

ដោយៈ ដើមអម្ពិល
ផ្តល់សិទ្ធដោយ ដើមអម្ពិល

អានបន្ដ

ក្មេងស្រីម្នាក់ ប្តឹងក្រុមហ៊ុនអាកាសចរណ៍ បណ្តោយឲ្យបុរសម្នាក់ សំរេចតណ្ហាខ្លួនឯង លើយន្តហោះ

ប្រភពព័ត៌មាន បរទេស បានឲ្យដឹងថា ក្មេងស្រីជំទង់ម្នាក់ មកពីរដ្ឋ កាលីហ្វ័រញ៉ា សហរដ្ឋអាមេរិក កំពុងតែធ្វើការប្តឹង ក្រុមហ៊ុនអាកាសចរណ៍ United Airlines ព្រោះតែមិនអាច ធ្វើអី្វបាន ក្នុងការទប់ស្កាត់ លើបុរសម្នាក់ ដែលបាន ធ្វើការសំរេចតណ្ហាខ្លួនឯង នៅលើយន្តហោះ ដែលនាងធ្វើដំណើរ។
នាងមានឈ្មោះ Monica Amestoy អាយុ ១៨ឆ្នាំ បានប្រាប់ឲ្យដឹងថា នាងបានចាប់អារម្មណ៍ ឃើញថា មានបុរសម្នាក់ បានកំពុងតែធ្វើសកម្មភាព មិនសមរម្យ ដោយរូបគេ កំពុងតែសំរេចតណ្ហាខ្លួនឯង។ ក្រោយពីឃើញដូចនេះ នាងបានប្រាប់ដល់ បុគ្គលិកបំរើលើ យន្តហោះ អោយបឈ្ឈប់សកម្មភាព របស់បុរសរូបនោះ ប៉ុន្តែ ទោះប្រាប់ហើយយ៉ាងណា នៅពេលដែល បុគ្គលិកបំរើ ចាកចេញផុតទៅ បុរសនោះ នៅតែបន្តសកម្មភាព របស់ខ្លួនដដែល ហើយថែមទាំង បង្ហាញអោយឃើញ ប្រដាប់ភេទ របស់ខ្លួន ទៀតផង។
យ៉ាងណាមិញ នាងបានប្រាប់ដល់ បុគ្គលិកបំរើលើយន្តហោះ ជាថ្មីម្តងទៀត ប៉ុន្តែ ពួកគេ បានប្រាប់មកនាងវិញថា ពួកគេមិនមានលទ្ធភាព អាចធ្វើអី្វបាន នៅក្នុងរឿងនេះទៅវិញ។ លើសពីនេះ នាងថែមទាំងមិនអាច ផ្លាស់ប្តូរកន្លែងអង្គុយបានទៀត ព្រោះតែ ពេញ អស់ទៅហើយ។ ទោះជាយ៉ាងណា ក្រោយពីឪពុករបស់នាង បានដឹងរឿងនេះ គាត់ក៏បាន រាយការណ៍ដល់ប៉ូលីស តែម្តង។
តើប្រិយមិត្តយល់យ៉ាងណាដែរ?

មានប្រភពមកពី khmerload.com

អានបន្ដ

ក្បាលរបស់បុរសម្នាក់ អណ្ដែតតាមទឹក បន្ទាប់ពីត្រូវក្រពើទឹកប្រៃវាយប្រហារ

ក្រពើមួយក្បាល បានសម្លាប់បុរសម្នាក់ ដែលជាអ្នកនេសាទនៅភាគខាងជើង នៃប្រទេសឥណ្ឌូនេស៊ី ដែលបន្សល់ទុក នូវក្បាលបុរសជាជនរងគ្រោះនេះ អណ្ដែតតាមទឹក ដែលត្រូវបានក្រុមគ្រួសារ និងប៉ូលីសប្រទះឃើញ។
តាមប្រភពព័ត៌មានរបស់ប្រទេសអង់គ្លេស បានឲ្យដឹងថា បុុរសនេះមានឈ្មោះថា Sam Sem Ledo អាយុ ៥៣ឆ្នាំ មានកូន១១នាក់។ នៅថ្ងៃកើតហេតុ បុរសវ័យចំណាស់នេះ បានចេញទៅរកក្ដាម នៅទន្លេ Amabi ក្នុងតំបន់ Kupang នៅលើកោះ Timor ប្រទេសឥណ្ឌូនេស៊ី ប៉ុន្ដែមិនបានត្រលប់មកផ្ទះវិញនោះទេ ដូចនេះក្រុមគ្រួសារក៏ដូចជា ប៉ូលីសក៏ធ្វើការស្វែងរកតែម្ដង។ ជំហានដំបូងក្រុមប៉ូលីស ប្រទះឃើញសំណាញ់ និងស្បែកជើងផ្ទាត់ បន្ទាប់មកក៏ឃើញ ក្បាលរបស់បុរសតែម្ដង ដែលបានអណ្ដែងតាមទឹក។ ប៉ូលីសបានបន្ដថា សម្រាប់ផ្នែកមួយកំណាត់ក្រោម របស់ជនរងគ្រោះដូចជា ពោះវៀន ត្រូវបានប្រទះឃើញនៅក្នុងទឹក។
ទោះជាយ៉ាងណា លោក Slamet បានធ្វើការបញ្ជាក់ថា ជនរងគ្រោះត្រូវបានសម្លាប់ដោយ ក្រពើទឹកប្រៃ ដោយសារតែតំបន់នេះសម្បូរទៅដោយក្រពើ។ មួយវិញទៀត កាលពីឆ្នាំមុន មានមនុស្ស ៥នាក់បាន ស្លាប់ដូចគ្នា នៅក្នុងតំបន់នេះដោយសារតែ ក្រពើទឹកប្រៃនេះ ហើយលោកបានបន្ថែមថា សម្រាប់ប្រជាជនដែលរស់នៅក្នុង តំបន់នេះ គួរតែបន្ថែមការប្រុងប្រយ័ត្ន៕

មានប្រភពមកពីkhmerload.com

អានបន្ដ

រថយន្តដឹក ស៊ីម៉ងត៍១០តោន ហ្រ្វាំងមិនស៊ីជ្រុលបុក បង្គោលខ្សែ​ ភ្លើងមួយដើម នៅមុខមន្ទីរ ពេទ្យរុស្ស៊ី

ភ្នំពេញ : រថយន្តដឹកស៊ីម៉ងត៍ ចំនួន១០តោន មួយគ្រឿង បានបុកបង្គោល ខ្សែភ្លើង បាក់អស់មួយដើម ដោយសារតែជាន់ហ្រ្វាំងមិនស៊ី ពេលចុះ ចំណោត ផ្លូវស្ពានទី១ មុខពេទ្យរុស្ស៊ី ស្ថិតក្នុងសង្កាត់ទំនប់ទឹក ខណ្ឌចំការមន ។
តាមប្រជាពលរដ្ឋ ដែលមាន ផ្ឋះនៅអមសងខាងផ្លូវចុះ ចំណោតនោះ បានរៀបរាប់ថា នៅវេលាម៉ោង ជិត៩ ព្រឹក ថ្ងៃទី៣០ ខែឧសភា ឃើញមាន រថយន្តដឹកស៊ីម៉ងត៍ មួយគ្រឿង បើកចុះពីផ្លូវ២៧១ បំណង ឆ្ពោះឆ្លងស្ពានទី១នេះ ខណ:កំពុងបើកចុះចំណោត ស្របមានអ្នកដំណើរ ជិះម៉ូតូ បញ្រ្ចាសឡើងទៅផ្លូវ ២៧១នោះ មានចំនួនច្រើន ស្អេកស្កះ ស្រាប់តែឃើញ យកចង្កូតចេញទៅស្តាំ បណ្តាលឲ្យបុកបង្គោល ខ្សែ ភ្លើងបាក់មួយដើម ព្រមទាំងបាក់រលំរានទេវតា នៅមុខផ្ទះលេខ៦៣ ហើយរថយន្តក៏ឈប់ស្ងៀម នៅអែបទីនោះតែម្តង។

ខណ:នោះដែរ សមត្ថកិច្ច នគរបាលចរាចរ ខណ្ឌ ចំការមន បានចុះទៅដល់ កន្លែងកើតហេតុ និងសាក សួរដើមហេតុ ទើបអ្នកបើកបរឈ្មោះ សម្បត្តិ ដោ ភេទប្រុស អាយុ ២៧ឆ្នាំ រៀបរាប់ថា ខ្លួនដឹកស៊ីឈ្នួល បើករថយន្តដឹកស៊ីម៉ង់ត៍ឲ្យ ថៅកែនៅគីឡូម៉ែត្រលេខ៦ ដោយដឹកស៊ីម៉ងត៍ ចំនួន ១០តោន យកមកឲ្យ ម៉ូយធ្វើ ផ្ទះល្វែងនៅភូមិចំរើនផល ដែលនៅប្រហែលជា១០០ ពីកន្លែងកើតហេតុប៉ុណ្ណោះ។ ឈ្មោះ សម្បតិ្ត ដោ បន្តថា ខណ:កំពុង បើកចុះពីលើផ្លូវ ២៧១នោះ ស្រាប់តែរថយន្ត ជាន់ហ្រ្វាំងមិនស៊ី ស្រប មាន ម៉ូតូ រថយន្ត នៅខាងមុខច្រើនផងនោះ ដោយខ្លាចមានគ្រោះថ្នាក់ ដល់អាយុជីវិតមនុស្ស ខ្លួនសុខ ចិត្តឲ្យព្រូម្នាក់ ចុះរត់ទៅដាក់កំណល់ផងដែរប៉ុន្តែមិនទាន់ ក៏សម្រេចចិត្ត កាច់ចង្កូតបុក បង្គោលភ្លើង តែម្តងទៅ។

រថយន្តបង្កម៉ាកហ៊ីយ៉ាន់ ពណ៌ស ពាក់ស្លាកលេខ ភ្នំពេញ 3A-0950 បើកបរដោយឈ្មោះ សម្បត្តិ ដោ ភេទប្រុស អាយុ ២៧ឆ្នាំ មានស្រុកកំណើត នៅភូមិ ចេកធ្លក ឃុំត្រពាំងស្រែ ស្រុកមេសាង ខេត្តព្រៃវែង ។ ក្រោយកើតហេតុ នគរបាល ចរាចរខណ្ឌចំការមន យករថយន្តទៅរក្សាទុក នៅការិយា ល័យ នគរបាល ចរាចររាជធានីភ្នំពេញ ដើម្បីដោះស្រាយសំណងជាក្រោយ។
ប្រភពមកពីkhmerload.com.

អានបន្ដ

រថយន្ដកាំម៉ាស់ សន្ដោងកន្ទុយបុកម៉ូតូ គ្លីកពីក្រោយ អូសជិត ១០ម៉ែត្រ សំណាង ល្អម្ចាស់ម៉ូតូ លោតទាន់

ភ្នំពេញ ៖ ការកកស្ទះចរាចរ បាន និង កំពុងកើតមានឡើង នៅតាមបណ្ដោយផ្លូវ លេខ ៥៩៨ ត្រង់ភ្លើងស្ដុបត្រឡោកបែក ព្រំ ប្រទល់ សង្កាត់បឹងកក់ ទី២ ខណ្ឌទួលគោក និងសង្កាត់ភ្នំពេញថ្មី ខណ្ឌសែនសុខ ដោយ សារតែរថយន្ដម៉ាកកាំម៉ាស់ ធុនធំសន្ដោង កន្ទុយពីក្រោយ បានបុកម៉ូតូម៉ាកគ្លីក ១ គ្រឿង ហើយអូសជិត ១០ម៉ែត្រ ។ ប៉ុន្ដែ សំណាងល្អ ម្ចាស់ម៉ូតូដឹងទាន់បានលោត ចេញពីម៉ូតូកុំអីរងគ្រោះថ្នាក់ ដល់អាយុជីវិត ជាក់ជាមិនខានឡើយ ។
សេចក្ដីរាយការណ៍ ពីកន្លែងកើតហេតុ បានឱ្យដឹងថា នៅវេលាម៉ោងប្រមាណ ១១ និង៥០នាទីព្រឹក ថ្ងៃទី៣០ ខែឧសភា ឆ្នាំ២០១៣ នេះ នៅចំណុច ភ្លើងស្ដុបត្រឡោក បែកមានរថយន្ដ ម៉ាកកាំម៉ាស់សន្ដោង កន្ទុយពីក្រោយ បានធ្វើដំណើរតាម បណ្ដោយផ្លូវលេខ ៥៩៨ ក្នុងទិសដៅពីជើង ទៅត្បូង ប៉ុន្ដែ ពេលដល់ចំណុចភ្លើងស្ដុប ហើយលោតភ្លើងពណ៌លឿង អ្នកបើក រថយន្ដមិនបានឈប់ ថែមទាំងបន្ថែម ល្បឿន  រួចហើយក៏ជ្រុលទៅបុកអ្នកជិះ ម៉ូតូគ្លីកនៅពីខាងមុខ អូសជិត ១០ម៉ែត្រ ប៉ុន្ដែ សំណាងល្អម្ចាស់ម៉ូតូលោតចេញទាន់ រួចផុតពីគ្រោះថ្នាក់ ។
សេចក្ដីរាយការណ៍បានបន្ដថា គ្រោះ ថ្នាក់ចរាចរនេះ បានបង្កឱ្យកកស្ទះយ៉ាង ខ្លាំង ហើយប្រជាពលរដ្ឋជាច្រើននាក់បានរិះ គន់អ្នកបើករថយន្ដធុនធំ ដែលមិនគោរព សិទ្ធិអ្នកធ្វើដំណើរតាមផ្លូវ អាងតែខ្លួនធំ ជាង ៕
មានប្រភពពី​​​ khmerload.com

អានបន្ដ

បុរសម្នាក់គាំងបេះដូងស្លាប់ នៅក្នុងផ្ទះដែលពោរពេញទៅដោយសត្វពស់

រសជនជាតិអាឡឺម៉ង់ម្នាក់ បានស្លាប់ដោយសារគាំងបេះដូង នៅក្នុងផ្ទះរបស់គាត់ ស្ថិតក្នុងទីក្រុង  Straubing ប្រទេស អាឡឺម៉ង់ ខណៈពេលកំពុងឲ្យចំនី សត្វពស់ចំនួន ៤៦ក្បាល ហើយត្រូវបានសត្វពស់បន្លាច ប៉ុន្តែសាកសពរបស់គាត់ មិនត្រូវបានពស់ស៊ីឡើយ។
យោងតាមប្រភពព័ត៌មាន Asian Town បានឲ្យដឹងថា នៅពេលដែលប៉ូលីស ទៅដល់កន្លែងកើតហេតុ គឺផ្ទះរបស់ជនរងគ្រោះ ប៉ូលីសបានឃើញសត្វពស់ វារជុំវិញខ្លួនរបស់ជនរងគ្រោះ ប៉ុន្តែពួកវាមិនបានស៊ី ជនរងគ្រោះឡើយ។ ប្រភពដដែរបានបន្តទៀតថា ជនរងគ្រោះមានឈ្មោះថា Heiko Rieder មានអាយុ ៤០ឆ្នាំ បានស្លាប់ដោយសារគាំងបេះដូង ហើយប៉ូលីសបានសន្មត់ថា គាត់ត្រូវបានសត្វពស់បន្លាច រហូតដល់គាំងបេះដូងស្លាប់តែម្តង។
គួរបញ្ជាក់ផងដែរថា ជនរងគ្រោះវ័យ ៤០ឆ្នាំរូបនេះ ធ្លាប់បានរាយការណ៏ទៅប៉ូលីស ដោយសារតែការបន្លាចរបស់សត្វពស់ ហើយបានបណ្តាលឲ្យគាត់ មានបញ្ហាបេះដូង និងមិនបានទៅធ្វើការអស់ ១សប្តាហ៏ទៀតផង។
យ៉ាងណាមិញ បើតាមអ្នកជំនាញ ដែលធ្វើការពិនិត្យ បានឲ្យដឹងថា សាកសពរបស់ជនរងគ្រោះ មិនត្រូវបានពស់ស៊ី ដោយសារតែជនរងគ្រោះ មានមាឌធំ ទើបពស់មិនអាចស៊ីបាន ប៉ុន្តែក្នុងនោះគេក៏បានរកឃើញ សត្វពស់ដែលមានទំហំ ប៉ុនភ្លៅមនុស្សផងដែរ៕
 ប្រភពមកពីkhmerload.com

 

អានបន្ដ

ស្ត្រីម្នាក់ គំរាមសម្លាប់ខ្លួន ព្រោះបារីមួយដើម

យោងតាមគេហទំព័រ Dailymail បានអោយដឹងថា មានស្ត្រីជនជាតិចិន ម្នាក់គំរាមលោតសម្លាប់ខ្លួន ពី អគារមន្ទីរពេទ្យជាន់ទី ៥ ព្រោះចង់បាន បារីជក់។
ស្ត្រីដែលប៉ុនប៉ង់សម្លាប់ខ្លួននោះ មានឈ្មោះ Jia Li Pan អាយុ ២៤ឆ្នាំ។ នៅថ្ងៃកើតហេតុ ស្ត្រីរូបនោះបានទៅមន្ទីពេទ្យមួយកន្លែង ដែលស្ថិតនៅក្នុងតំបន់ Jia Li Pan ប្រទេសខេត្ត Guangdong ភាគខាងជើងប្រទេសចិន ដើម្បីទទួលការព្រឹក្សាយោបល់និង ដំបូន្មានខ្លះៗ បន្ទាប់ពីនាង ជួបបញ្ហាលំបាកជាច្រើន ដូចជា បាត់បង់ការងារធ្វើ ជាដើម។
នៅមុនពេលកើតហេតុ នាងបានអង្គុយនៅ បន្ទប់រងចាំជាមួយអ្នកដទៃទៀត។ ក្រោយមកនាង បានសុំបារី ពីអ្នកអង្គុយក្បែរ ប៉ុន្តែត្រូវបដិសេធ ស្រាប់តែ ស្ត្រីឈ្មោះ Jia ចាប់ផ្តើម ច្រលោត និងស្រែកគំហក់ យ៉ាងខ្លាំង។ នៅពេលគ្មាននរណាម្នាក់ធ្វើតាម ការបង្គាប់ ស្ត្រីនោះបានឡើងលើបង្កាន់ដៃរានហាន និង  គំរាមលោតសម្លាប់ខ្លួន តែម្តង។
ក្រោយមក ប៉ូលីសម្នាក់ បានបញ្ចុះបញ្ចូល ប្រគល់បារីអោយនាង ហើយក៏បានជួយសង្គ្រោះស្ត្រីនោះដោយសុវត្ថិភាព។ ក្រោយមក ស្ត្រីប៉ុនប៉ង់សម្លាប់ខ្លួននោះ ត្រូវបានបញ្ជូនទៅកាន់ មន្ទីរពេទ្យវិកលចរិក។
តើប្រិយមិត្តអ្នកអាន យល់យ៉ាងណាចំពោះស្ត្រីរូបនេះ?
មានប្រភពមកពីkhmerload.

អានបន្ដ

រឿងគួរឲ្យភ្ញាក់ផ្អើល កូនភ្លោះពីរនាក់កើតមកកាន់ដៃគ្នាជាប់

សូមទស្សនានូវវីដេអូខាងក្រោមបន្តិចទៅមើល ប្រិយមិត្តនឹងដឹងថាហេតុអ្វី បានជាមានការភ្ញាក់ផ្អើល ពាសពេញប្រព័ន្ធអ៊ីនធឺណេត។
រូបភាពដែលទទួលបានការចាប់អារម្មណ៍យ៉ាងខ្លាំង បានថតនៅក្នុងមន្ទីរពេទ្យមួយ នៅភាគខាងជើងនៃប្រទេសអេស្ប៉ាញ ដែលបង្ហាញពីកូនភ្លោះពីរនាក់ កាន់ដៃគ្នាជាប់ក្រោយពីចេញពីផ្ទៃម្ដាយរបស់ពួកគេ។ ម្ដាយរបស់កូនភ្លោះទាំងពីរឈ្មោះថា Caesarean បានបង្កើតកូនទាំងពីរនៅមន្ទីរពេទ្យ Gipuzkoa។ កូនភ្លោះទាំងពីរនោះមានឈ្មោះថា Danel និង Maria ក្រោយពីលោកវេជ្ជបណ្ឌិត យកពួកគេទាំងពីរដាក់លើតុមួយ ស្រាប់តែពួកគេលុកដៃចាប់គ្នាជាប់តែម្ដង។ ពួកគេទាំងពីរ បានបែរខ្នងដាក់គ្នា តែដៃបែរជាលុកមកចាប់គ្នាទៅវិញ។
តើប្រិយមិត្តយល់យ៉ាងណាចំពោះ រឿងមួយនេះ? សូមទស្សនាវីឌេអូខាងក្រោម៖
 មានប្រភពពី Khmerload

អានបន្ដ

ទារិកាអាយុ ១៨ខែ លលាដ៍ក្បាលហើមគួរឲ្យអាណិត

កូនក្មេងដើរតេសតាសម្នាក់ ក្បាលហើមធំស្មើនឹង៣ដងនៃក្បាលធម្មតា ត្រូវបានលោកវេជ្ជាបណ្ឌិតធ្វើការវះកាត់ ដើម្បីឲ្យទំហំតូចដូចដើម។
យោងតាមប្រភពព័ត៌មានបានឲ្យដឹងថា ក្មេងស្រីដ៏គួរឲ្យអាណិតនេះ មានឈ្មោះថា Roona Begum អាយុ១៨ខែ បានធ្លាក់ពីកំពស់ ៩៤សង់ទីម៉ែត្រចំក្បាល បន្ទាប់មកក្បាលរបស់គេក៏ចាប់ផ្ដើមហើម ធំឡើងៗពីមួយថ្ងៃទៅមួយថ្ងៃ រហូតបានបញ្ជូនទៅមន្ទីរពេទ្យខេត្ត ជិតទីក្រុង Delhi ប្រទេសឥណ្ឌា។ លោក វេជ្ជបណ្ឌិតមានប្រសាសន៍ថា លលាដ៍ក្បាលរបស់នាងមានទឹកចូល ដែលបានធ្វើឲ្យវាឡើងហើមបែបនេះ។
អ្នកស្រី Fatima Khatoon អាយុ២៤ឆ្នាំដែលជាម្ដាយ និងលោក Abdul អាយុ១៩ជាឪពុក ពិបាកចិត្តខ្លាំងណាស់នៅពេលដែលឃើញ កូនរបស់គាត់មានសភាពបែបនេះ គាត់យល់ព្រមឲ្យលោក វេជ្ជបណ្ឌិតធ្វើការវះកាត់ជូនកូនស្រីរបស់គាត់ ទោះជាលទ្ធផលចុងក្រោយ យ៉ាងណាក៏ដោយ។ បន្ទាប់ពីក្រុមសារព័ត៌មានទទួលបានដំណឹងនេះ ហើយចុះផ្សាយនោះ គឺមានសប្បុរសជនជាច្រើនបាន បរិច្ចាគប្រាក់ខ្លះដើម្បីជួយដល់ការវះកាត់របស់ក្មេងស្រី Roona។
យ៉ាងណាមិញ ជិវិតរបស់ក្មេងស្រីនេះ នៅមិនទាន់អស់នៅឡើយ ការវះកាត់បានសំរេច។ ក្បាលរបស់នាងទំហំ ៩៤សង់ទីមែត្រ ដែលធ្វើឲ្យនាងមិនអាចបិទភ្នែកបានស្រួលនោះទេ។
តើប្រិយមិត្តយល់យ៉ាងណាចំពោះបញ្ហានេះ? សូមទស្សនាវីដេអូខាងក្រោម៖
មានប្រភពចេញពី Khmerload​

អានបន្ដ

មកមើលស្ទីលបើកឡានកង់ពីរ របស់ពួកអារ៉ាប់

ការបើកបររថយន្ដគឺជារឿងធម្មតា នរណាក៏អាចបើកបានដែរ ក៏ប៉ុន្តែប្រិយមិត្តប្រហែលជា មិនធ្លាប់បានជូបទេ នូវការបើករថយន្ដដោយប្រើតែកង់ពីរ មុខមួយ និងក្រោយមូយតែប៉ុណ្ណោះ។
ជនជាតិអារ៉ាប់មួយក្រុម បាននាំគ្នាប្រថុយជីវិតដោយមិនខ្លាចស្លាប់ ដោយបើករថយន្ដបង្ហោះកង់មួយចំហៀងឡើង។ ពួកគេប្រើប្រាស់នូវក្ដារមួយ មានរៀងចោទហើយបើករថយន្ដពីលើ ដែលធ្វើឲ្យរថយន្ដរបស់ពួកគេហើបកង់ ម្ខាងទាំងមុខ និងក្រោយឡើង បន្ទាប់មកពួកគេបានបើកទ្វារថយន្ដចេញ មកអង្គុយផ្នែកចហៀងនៃរថយន្ដ។ ទស្សនីយភាពនេះនៅមិនទាន់ អស្ចារ្យនៅឡើយទេ អ្វីដែរអស្ចារ្យជាងនេះទៅទៀតនោះ ខណៈពេលដែលរថយន្ដកំពុងតែបើកបរកង់ពីរ ពួកគេបានប្រើប្រដាប់ដោះខ្ចៅ ដោះកង់មុខក្រោយដែលមិនវិលនោះចេញថែមទៀត នេះគឺជាព្រឹត្តិការណ៍ដ៏គួរឲ្យរន្ធត់មួយ។
នៅប្រទេសអារ៉ាប់គេបានធ្វើផ្លូវមួយ នៅតំបន់វាលខ្សាច់ដែលទីនោះគ្មានរថយន្ដណាបើកបរឡើយ ហើយវាជាកន្លែងសំរាប់ ពួកអស់នេះបើករថយន្តបែបគ្រោះថ្នាក់ ដូចនេះជិះលេងពេលទំនេរ។
តើប្រិយមិត្តយល់យ៉ាងណាចំពោះ ទង្វើរបស់ពួកគេ? សូមទស្សនារូបភាព និងវីដេអូដែលទាក់ទងនឹងការបើកបររថយន្ដកង់ពីរខាងក្រោម៖

អានបន្ដ

បុរសម្នាក់ ជិះម៉ូតូប៉ះជាមួយ រថយន្តហាយលែនឌ័រ ដួលបោកក្បាល នឹងថ្នល់ស្លាប់

     ភ្នំពេញ : បុរសម្នាក់ បានជិះម៉ូតូរេចង្កូតប៉ះទ្វារ រថយន្តមួយគ្រឿង ដែលកំពុងជិះស្របគ្នា បណ្តាលឲ្យ បុរសជាម្ចាស់ ម៉ូតូដួលបោកក្បាល ទៅនឹង ថ្នល់ ស្លាប់ភ្លាមៗនៅ នឹងកន្លែងកើត ហេតុ កាលពីវេលាម៉ោង ១៩ និង ២០ នាទីយប់ថ្ងៃទី ៣១ ខែមីនា ឆ្នាំ២០១៣ នៅចំណុចគល់ស្ពាន អាកាសក្បាលថ្នល់ ក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។
នគរបាលមូលដ្ឋាន បានឲ្យដឹងថា បុរសរងគ្រោះ ក្នុងគ្រោះថ្នាក់ចរាចរណ៍ រហូតដល់ស្លាប់បាត់បង់អាយុជីវិតខាងលើនេះ ឈ្មោះ លី តាំ ភេទប្រុស អាយុ ៣៨ ឆ្នាំ ស្នាក់នៅផ្ទះជួល ក្នុងសង្កាត់បឹងត្របែក ខណ្ឌចំការមន ។ ចំណែករថយន្តបង្កហេតុម៉ាកហាយ លែនឌ័រ ពណ៌ទឹកប្រាក់ មិនចាំ ស្លាកលេខ បានបើករត់គេចខ្លួនបាត់ក្រោយ ពេលកើតហេតុ ។ សមត្ថកិច្ចបានឲ្យដឹងថា មុនពេលកើតហេតុនោះគេឃើញជនរងគ្រោះបានជិះម៉ូតូ ស្របទិសគ្នាជាមួយរថយន្ត ក្នុងល្បឿនយ៉ាងលឿនតាមបណ្តោយផ្លូវជាតិលេខ ១ ក្នុងទិសដៅពីត្បូងទៅជើង ខណ:មកដល់ ចំណុចកើតហេតុបុរសរងគ្រោះបានរេចង្កូតម៉ូតូ ទៅប៉ះ នឹងកញ្ចក់មើលក្រោយរបស់រថយន្តហាយលែនឌ័រ បណ្តាលឲ្យដួលបោកក្បាលទៅនឹងថ្នល់រងគ្រោះ ស្លាប់បាត់បង់ជីវិតនៅនឹងកន្លែងកើតហេតុភា្លមៗតែម្តង ។
ក្រោយកើតហេតុ សមត្ថកិច្ច មូលដ្ឋាន ចុះពិនិត្យ និងវាស់វែង នៅកន្លែងកើតហេតុ ដើម្បី កសាងសំណុំរឿង កំណត់អត្តសញ្ញាណ រថយន្តហាយលែនឌ័រ ជិះរត់គេចខ្លួនបាត់ស្រមោស និងឈានទៅឃាត់ម្ចាស់ រថយន្ត ដើម្បីដោះស្រាយ តាមច្បាប់ ។ ចំណែកសព និងម៉ូតូ បានប្រគល់ទៅឲ្យ ក្រុមគ្រួសារ នាំយកទៅធ្វើបុណ្យតាមប្រពៃណី ៕

អានបន្ដ

ចេញ​​ពី​ជប់​លៀង​​​មង្គល​ការ​​បើក​​ឡង់​គ្រីស្ស័រ​​​​ទៅ​បុក​​​ជា​មួយ​​ហ៊ីយ៉ាន់​ដាយ​​ខ្ទេច​​​មុខ​​1​ចំហៀង

ថ្ងៃសៅរ៏ ទី១៦ ខែមីនា ឆ្នាំ២០១៣ ម៉ោង ១៣:០០

      ខេត្ត​កំពង់​​ធំ  ៖ ពាក្យ​ស្លោកប្រាប់​​ថា «បើ​ស្រវឹង​​​​កុំ​បើក​​បរ» តែ​មិន​ស្តាប់​ ទើប​ចេះ​តែ​បង្ក​បញ្ហា​​ ។ កាលពី​​​​យប់​​​ថ្ងៃទី​​១៣ ​មីនា ​​​មាន​គ្រោះ​ថ្នាក់​​ចរាចរណ៍​​​​មួយ​​កើត​ឡើង​​​​លើ​កំណាត់​ផ្លូវ​​​​ជាតិ​ លេខ​​​​៦​អា ​ស្ថិត​នៅ​​ភូមិបល័្លង្កលិច​ ​​សង្កាត់​​​ដំរី​​​ជាន់​ខ្លា ​ក្រុង​ស្ទឹង​សែន ​​​ដោយ​រថយន្ត​​​ម៉ាក​ឡង់​គ្រីស្ស័រ​ ​​​ពណ៌​ស្លែ ​ពាក់​ស្លាក​លេខ​​​ភ្នំ​ពេញ​ 2F-5556 ​បើក​បរ​ដោយ​​​​​ឈ្មោះ​​អាំ ប៊ុន​ថា ​​​​​មានលំនៅ​​ភូមិ​​​ពោធិ៍​​សែន​ស្នាយ​ ​សង្កាត់​​ស្រយូវ ក្រុង​ស្ទឹង​សែន​ ។

     សាក្សី​​​​និយាយ​​​ថា  ​មុ​ន​ពេល​​​កើត​ហេតុ​​​គេ​ឃើញ​​រថយន្ត​ឡង់​គ្រី​ស្ស័រ​​​របស់​​​លោក​អាំ​ ប៊ុនថា បើក​​​បរ​ចេញពី​​​ហូ​ប​ការ​​​នៅ​​​រស្មី​​ចន្ទ​​​ពេញ​វង់​​​​ពី​ជើង​ទៅ​​​ ត្បូង​​​េរ​ចង្កូត​ពេញ​ផ្លូវ​​​ ​លុះ​​​​ដល់​ចំណុច​​​កើត​ហេតុ​​​បាន​​បុក​​​​ជា​មួយ​​រថយន្ត​​​ដឹក​ទំនិញ​​​ ម៉ាក​ហុីយ៉ាន់​ដាយ​​ ​ពណ៌​ស​​លាយ​​​​​ត្រួយ​ចេក ​ពាក់​ស្លាក​លេខ​​ព្រះសីហនុ​​3A-0775 ដែល​បើក​បញ្ច្រាស​ទិស​គ្នា​​ត្រូវ​ចំហៀង​ខាង​​​ឆ្វេង​​បណ្តាល​​ឱ្យ​​ក្រពឹត​ និងបែក​​កង់​​​​​រថយន្ត​​​​ដឹក​ទំនិញ​​​​មួយ​គ្រាប់​​ ចំណែក​​រថយន្ត​​​​ឡង់​គ្រីស្ស័រ​ខ្ទេចមុខមួយ​ចំហៀង​​ ​ឯ​អ្នក​បើក​បរ​​​​​គ្រាន់​តែ​​​​រង​របួស​​​បន្តិច​​​បន្តួច​​​​ ។

     រថយន្ត​​ដឹក​ទំនិញ​​បើក​បរ​ដោយ​​​ឈ្មោះ​ ហុន វាសនា ​​ភេទ​ប្រុស ​អាយុ​​​​២៣​ឆ្នាំ​​​ រស់​នៅ​​ភូមិ​​គ្រោះ​​​ ឃុំ​​ក្រាំង​ចេក ស្រុក​​ឧដុង្គ​ ខេត្ត​កំពង់​ស្ពឺ ​​មិន​​​​​​មាន​​​រង​របួស​​​​ទេ ​​។ ​
ទាក់ ​ទិន​​​នឹង​បញ្ហា​​​​ខាង​លើ​​​ លោក ​កែវ ហួ ស្នង​ការ​​​រង​ទទួល​​​បន្ទុក​​ការ​​​ិយាល័យ​​​​​កណ្តាល​​​សណ្តាប់​ធ្នាប់​​​ បាន​ប្រាប់​​​តាម​​ទូរស័ព្ទ​​​ថា​ លោក​​​​​ជាប់​រវល់​ទៅ​បំពេញ​ការ​ងារ​នៅ​​​ភ្នំពេញ​​ តែ​បាន​​​ទទួល​ព័ត៌​មាន​​ថា មាន​ករណី​គ្រោះ​ថ្នាក់​ចរា​ចរណ៍​​ខូច​ខាត​​​តែ​រថយន្ត​​ មិន​​​បង្ក​របួស​ស្នាម​ដល់​មនុស្ស​​​​​​​​ទេ ​ក៏​​​​សូម​​​ឱ្យ​ដោះ​ស្រាយ​​​សម្រប​សម្រួល​​​គ្នា​បញ្ចប់​បញ្ហា​ទៅ ៕

កោះសន្តិភាព

ចេញ​​ពី​ជប់​លៀង​​​មង្គល​ការ​​បើក​​ឡង់​គ្រីស្ស័រ​​​​ទៅ​បុក​​​ជា​មួយ​​ហ៊ីយ៉ាន់​ដាយ​​ខ្ទេច​​​មុខ​​1​ចំហៀង

អានបន្ដ